اليلنجي الشامي السوري (سوريا في القلب )

اليالنجي الشامي السوري
يسعد مساكم وصبااحكم
كيفكم غاليااتي
اكيد الكل بيعرف اليلنجي وفي كتير بيعشقوا متلي

نبدأ بسم الله الرحمن الرحيم

المقادير
ورق عنب
انا قطفت الورق من مزرعة وقطعت الاعواد ووضعتهم بطنجرة وغمرتهم ماء ساخن جدا
وبتتركيهم حسب طراوة الورقة
انا تركتهم يوم كامل وحطيت فوقهم شي ثقيل حتى ينغمروا كلهم
وبعدين صفيتهم من الماء

وجهزت الحشوة
(رز مصري مغسول ومصول _ بندورة مفرومة ناعمة _ بقدونس مفروم ناعم _
نعنع اخضر مفروم ناعم _ نعنع ناشف _ملح _ بصلة ناعمة
_ ثوم ناعم _ ملعقة كبير بن .قهوة._ زيت بلدي _عصير ليمون )

بعد ماجهزت الحشوة بلشت بلف اوراق العنب وصفهم بالطنجرة
انا عندي طنجرة الضغط فيها مصفاة صفيتهم فيها بهالشكل

بعد ما خلصتهم
جهزت ماء +عصير ليمون +ملح (واذا عندك عصير الحصرم بيطلع روعة..
وغطيت اليلانجي بصحن وثقل وبعدين صبيت الماء عليه

وبعدين بسكر الطنجرة عليهم وبضغطها من ربع ساعة لنص ساعة حسب طراوة الورق
وبعدين برفع المصفاية حتى يتصفى الماء وبصف اليلانجي بصحن وبقدمه

بلدي ياعشقي
ربي يبعد عنك كل اذى وكل مين راد فيك اذى
وينتقم من كل ظالم وكل مجرم عم يقتل
وان شاء الله الفرج قريب عليكي يابلدي
ورح ترجعي متل اول واحسن يارب
اللهم فر ج عن سوريا واحمها واحمي شعبها واهلها وخلصنا من كل واحد عم يخرب فيها يارب

بدي اشكر لؤلؤة من كل قلبي على المسابقة
وكل وحدة عم تشارك معنات بهي المسابقة
اتمنى ان تنال الوصفة اعجابكم
وانتظروني بالمزيد

» سلطة لبن وخيار (سوريا في القلب )
» شاكرية باللحم سوريا في القلب
» متبل الكوسا(سوريا في القلب)
» عندما تسكت الشفاة ويتكلم القلب
» ღ قصه كويتيه واقعيه عن الصداقه ((تعور القلب)) ღ