يممه مريولي توسسخ .. [مؤلمة جدا]

بسم الله الرحمن الرحيم
السلام عليكم ورحمة الله وبركاته



يمه ..
تكفين اسمعيني ...
يمه بسألك شي ..
جاوبيني ..
هو صحيح اللي مات
داخل القبر يصير حي ...؟؟؟

يمه ...
أسمع أنا صوتك ..
كل يوم اسمعه ..
واذا حاكيتك هاوشوني ..
قالوا انسي ..
روحي يالله العبي .... !!

يمه تعالي ارجعي ...
والله خلاص بسمع كلامك ..
ما اخرب العابي ..
وان قلتي يالله ..
روحي نامي ..
أروح حتى ماتزعلي ..

يمه تكفين ارجعي ..
اليوم حطت لي المديره ..
نجمه من فوق جبهتي ..
يمه سمعتها تقول..
مسكينه هالبنت صارت يتيمه ..
قالت لها ابله منيره ..
مسكينه توها صغيره ..
وش كانوا يقصدون ..؟
يمكن عشاني صرت عاقله ..
ولا عشاني دايم اسرح



يمه مريولي توسخ ..
ماكان قصدي اوسخه ...
بس تذكرت انك تقولي ..
بعد شهرين..

بشتري لك لبس ثاني ..
يمه تعالي اشتري ...

يمه عرفتي مها ..؟
صديقتي اللي معي ..
زاعلتني ..
تقول ماصرت انا اضحّكها
راحت تدور غيري
عشان تلقى احد يونسها



يمه
يالله خلاص لاتمزحي
يالله قومي
تعالي معي للبيت ارجعي



يمه يممه
نسيت شي ..
بقولك ترى بيتنا صار فاضي ..
ماحد يجينا ..
وكل اللي فيه انا واخواني ..
ليه وين اقاربنا ..؟؟
وين خالتي ..
اللي كانت تجينا ...


يممه قومي يالله تعالي ..
تكفين يالله تعالي ..
ماودي ارجع لحالي
والله خايفه ..
ترى امس جيتك ..
مارديتي ..
حسبتك نايمه ..

أو اقولك ..
خلاص خلاص ..
انا بجيك بكرى ..
اذا راحوا من هنا الناس ..
تكفين يمه بكرى اصحي ..
تكفين يمه بكرى ارجعي ..


=(
الله يحفظ لنا أمهاتنا ويديم عليهن الصحة والعافية ويطول بأعمارهن
ويرحم ويغفر ويسكن الميتات منهن فسيح جناته




منقوول

شكرا على الموضوع

العفوات اي والله الف شكر لكم على الردود الحلوة ^^

تسلم على موضوعك الرائع
تتنظر جديدك
تقبل مرورى