المكونات
طبعا الكمية تعتمد على حسب افراد عائلتكم ودوقك في الاكل وهدي مقاديري اللى تكفي 5 او 6 اشخاص3 حبات بطاطا متوسطة الحجم حكة تن مصفى من الزيت
ملعقة صغيرة زبدة
رشة ملح
فلفل اسود أو ابيض
رشة زنجبيل مطحون
معدنوس مقرض صغير صغير
جبنة حمراء مبشورة
وممكن تخلطيها بشوية موزاريللا
صفار بيضة حتى يمسك الخليط مع بعضه
2 بيضة مخفوقة مع شويا حليب حوالي ملعقة وممكن تبهريهم
دقيق
خبزة مرحية
الطريقة
اسلقي البطاطا وتعرفي انها انسلقت بانك تغرسي فيها موس وكان حسيتي انها رطبة من داخل معناها اوكي..
قشريها وهيا سخونه واهرسيها بشوكة او ملقعة خشب او اى آله تفضليها
اضيفي الزبدة والمعدنوس والتن والتوابل واهرسيها حتى تبرد شوي بعدن اضيفي الجبنة وصفار البيضة وخلطيها كويس بيدك. سخني زيت في طاوة وخودي كمية من الخليط وكوريه بعدين فطحيه بيدك غمسيه في الدقيق بعدين البيض وبعدين الخبزة المرحية واقليها وما
تخليهاش هلبا على النار يا دوب يولي لونها دهبي (اوقفي عليها وراقبيها )
وحطيها على صونيه مفرشة عليها ورق مطبخ باش يمتص الزيت ..
الرئيسية 
موضوع: كفته البطاطس