أوزي من تحت إيدي

 أكلتنا لليوم أوزي وهي أكلة شامية بإمتياز وأنا حلبية وحبيت أجربها .

وقلت أورجيكم تجربتي ان شاء الله تعجبكم

يا الله نبدأبسم الله الرحمن الرحيم

المقادير :

لحمة مفرومة

بصلة

3 كاسات رز

مكعب ماجي

بازيلا وجزر

رقائق السبرينج رول

بهار

شوية سمنة مشان الرز

ومكسرات حسب الرغبة

منجي هلأ عالطريقة ,الطريقة سهلة كتير

اول شي منقلي اللحمة والبصلة ومنحط معها مكعب ماجي وبهار ,طبعا مابدها ملح لأني الماجي مالح .

وبعدين منضيف البازيلا والجزر طبعا بعد مانكون سالقينه بطنجرة لحالها ,ومنقلين شوي مع اللحمة والبصلة .

[img][/img]

وبعدين منضيف الرز المغسول ومنقليه شوي مع المكونات السابقة ونقلبه ع مهل مشان مايتكسر

[img][/img]

وبعدين منضيف المي اللازمة لطبخ الرز مع السمنة .

[img][/img]

وبتتركوه ع نار هادية ليستوي الرز .

ومننتظر ليبرد الرز مشان ماتتفسخ(تتمزق) العجينة ,انا كنت مستعجلة سكبته بصينة مشان يبرد بسرعة .

[img][/img]

هلأ منجيب صحين غميق ومنفرد العجينة فيه ومنحط فوقه مقدار من الرز ومنسكر (نغلق )الصرة على بعضها.

[img][/img]
هيك بتصير

[img][/img]

وبعدين منحطن بصينية مدهونة سمنة ومندهن ع وجهها سمنة ومندخلها عالفرن المسخن مسبقا,مابتطول بالفرن 10دقائق من تحت ,وكم دقيقة من فوق لتحمر بس

[img][/img]

وهي شكلها النهائي اتفضلوا

[img][/img]

وبيتاكل جمبها لبن أو سلطة ,وصحتين .


ان شاء الله تكون عجبتكن ونالت رضاكن بعد غياب طوييييييييييييل عن مطبخ بيت حواء بسبب الولادة .

يا الله أشوفكن بطبخات جاي ان شاء الله تعالى ....